सर्वात वर

Nashik : जिल्ह्यात बरे होण्याचे प्रमाण ९४.६५ टक्के तर शहरात ९६.६८ टक्के

जिल्ह्यात आजपर्यंत ३ लाख ५९ हजार ३४८ रुग्ण कोरोनामुक्त : सद्यस्थितीत १५ हजार ९५९ रुग्णांवर उपचार सुरू: उपचार सुरू असलेल्या रुग्णांमध्ये  १०७ ने घट

नाशिक – (Corona Update) जिल्ह्यात व शहरात कोरोना बाधितांनाच आकडा कमी होतांना दिसतो आहे. आज पासून जिल्ह्यातील निर्बंध शिथिल केले असले तरी नागरीकांनी त्रिसूत्रीचे पालन करणे गरजेचे आहे.तरच आपण कोरोनाला रोखू शकणार आहोत. 

जिल्हा सामान्य रुग्णालयामार्फत आज प्राप्त अहवालानुसार जिल्ह्यातील ३ लाख  ५९  हजार ३४८ कोरोना बाधीतांना डिस्चार्ज देण्यात आला असून  सद्यस्थितीत १५  हजार ९५९ रुग्णांवर उपचार सुरु आहेत.तसेच उपचार सुरू असलेल्या रुग्णांमध्ये १०७ ने घट झाली आहे. आत्तापर्यंत ४ हजार ३७१  रुग्णांचा मृत्यू झाला आहे, अशी माहिती जिल्हा नोडल अधिकारी डॉ. अनंत पवार यांनी दिली आहे.

(Corona Update) उपचार घेत असलेले पॉझिटिव्ह रुग्ण:
नाशिक ग्रामीण मध्ये नाशिक १ हजार ६८४,  बागलाण ७२०, चांदवड ६९६, देवळा ६५६, दिंडोरी ७७६, इगतपुरी १७३, कळवण ५८१, मालेगाव ४७९, नांदगाव ४७५, निफाड १ हजार २९८, पेठ ७५, सिन्नर १ हजार १८१, सुरगाणा २४३, त्र्यंबकेश्वर १२८, येवला २४३ असे एकूण ९ हजार ४१३ पॉझिटीव्ह रुग्णांवर उपचार आहे. तसेच नाशिक महानगरपालिका क्षेत्रात ५ हजार ४८४, मालेगांव महानगरपालिका क्षेत्रात १ हजार ६२ तर जिल्ह्याबाहेरील एकही रुग्ण नसून असे एकूण १५  हजार ९५९  रुग्णांवर उपचार सुरु आहेत.  तसेच आजपर्यंत जिल्ह्यात  ३ लाख ७९  हजार ६७८ रुग्ण आढळून आले आहेत.

(Corona Update) रुग्ण बरे होण्याची टक्केवारी
जिल्हयात रुग्ण बरे होण्याची टक्केवारी  नाशिक ग्रामीण मधे ९१.८५  टक्के, नाशिक शहरात ९६.६८ टक्के, मालेगाव मध्ये  ८८.९२  टक्के तर जिल्हा बाह्य रुग्णांचे बरे होण्याचे प्रमाण ९८.०५ टक्के आहे. तसेच जिल्ह्यात बरे होण्याचे प्रमाण ९४.६५  इतके आहे.

मृत्यु :
नाशिक ग्रामीण २ हजार १२८ नाशिक महानगरपालिका क्षेत्रातून  १ हजार ८४९  मालेगांव महानगरपालिका क्षेत्रातून २९५ व जिल्हा बाहेरील ९९ अशा एकूण ४ हजार ३७१ रुग्णांचा मृत्यु झाला आहे. 

लक्षणीय :◼️३ लाख  ७९  हजार ६७८ कोरोनाबाधित रुग्णांपैकी ३ लाख ५९ हजार ३४८  रुग्ण पुर्णपणे बरे झाल्याने त्यांना डिस्चार्ज.

◼️सध्या जिल्ह्यात उपचार घेत असलेले  १५  हजार ९५९  पॉझिटिव्ह रुग्ण.

◼️जिल्ह्यात बरे होण्याचे प्रमाण ९४.६५  टक्के.

(वरील आकडेवारी  जिल्हा सामान्य रुग्णालयाकडून प्राप्त माहितीच्या आधारे नमूद करण्यात आली आहे.)