सर्वात वर
AC Ad

बिटको हॉस्पिटल मधील सिटीस्कॅन मशिन नागरिकांसाठी कार्यान्वित

मनपा अंतर्गत दवाखाने,रुग्णालये, प्रसूतिगृहे येथील रुग्णांकरिता स्वस्तात होणार HRCT चाचणी : खाजगी रुग्णालयांसाठी ही दर निश्चित

नाशिक- नाशिक महानगर पालिकेच्या बिटको हॉस्पिटल येथे बसविण्यात आलेले सिटीस्कॅन मशिन (CT Scan Machine) नागरिकांसाठी मा.आयुक्त कैलास जाधव यांनी कार्यान्वित केले तसेच येथील कामकाजाचा आढावा यावेळी त्यांनी घेतला

नाशिक शहर व परिसरातील कोरोनाची परिस्थिती लक्षात घेऊन विविध पातळीवर कामकाज करत असताना रूग्णांना जास्तीत जास्त सेवा सुविधा देण्यावर महापालिका प्रशासनाच्या वतीने भर दिला जात आहे या अनुषंगाने बिटको रूग्णालयात सिटीस्कॅन मशिन (CT Scan Machine) बसवण्यात आलेले असून त्याठिकाणी रेडिओलॉजिस्ट नेमणूक करण्यात आली असून सिटीस्कॅन मशिन नागरिकांसाठी मा.आयुक्त कैलास जाधव यांनी  कार्यान्वित केले.या सिटीस्कॅन मशिन (CT Scan Machine) द्वारे एच. आर. सि.टी. चेस्ट प्रती चाचणीचे दर मनपाने निश्चित केले असून मनपा अंतर्गत दवाखाने,रुग्णालये, प्रसूतिगृहे येथील रुग्णांकरिता १०००/-(एक हजार रुपये) व इतर खाजगी दवाखाने,रुग्णालये, प्रसूतिगृहे येथील रुग्णांना रुग्णांकरिता १५००/-(एक हजार पाचशे रुपये) इतका दर निश्चित करण्यात आलेला आहे.

तसेच शहरातील रुग्णालयात  नातेवाईकांकडून दवाखान्यांमध्ये होणारी गर्दी  टाळण्यासाठी विविध सूचना करण्यात आल्या होत्या. त्या सूचनांच्या अंमलबजावणीच्या पार्श्‍वभूमीवर मा.आयुक्त कैलास जाधव यांनी यावेळी  पाहणी केली.तसेच तेथील रुग्णांना औषध उपचार, नाष्टा,जेवण, चहापान आदींची व्यवस्था योग्य रीतीने होत आहे की नाही याबाबत सविस्तर आढावा घेऊन सुरक्षे बाबत कठोर अंमलबजावणी करण्याच्या सूचना संबंधित विभागास व उपस्थित अधिकाऱ्यांना यावेळी मा.आयुक्त कैलास जाधव यांनी दिल्या.त्यावेळी  यांच्या समवेत विभागीय अधिकारी डॉ.दिलीप मेनकर,कोरोना कक्ष अधिकारी डॉ.आवेश पलोड, बिटको रुग्णालयाचे प्रमुख डॉ.जितेंद्र धनेश्वर आदी उपस्थित होते.

Ac square