सर्वात वर
AC Ad

निर्बंध पाळा अन्यथा लॉकडाऊनशिवाय पर्याय नाही – छगन भुजबळ

बातमीच्या वर

नाशिकमध्ये रस्त्यावर उतरून पालकमंत्री छगन भुजबळ यांच्याकडून जनजागृती  

नाशिक – नाशिक शहरात कोरोनाच्या रुग्णाची संख्या दिवसेंदिवस झपाट्याने वाढत आहे. काही दिवसापासून रोज २ हजारांच्या वर रुग्ण वाढत आहेत. त्यामुळे चिंतेचे वातावरण निर्माण झाले आहे. या पार्श्वभूमीवर राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ यांनी नाशिक शहरातील गर्दीच्या ठिकाणांची पाहणी करून नागरिकांशी संवाद साधत नागरिकांना कोरोनाच्या नियमांचे पालन करण्यात आवाहन केले. तसेच नागरिकांनी नियमांचे पालन न केल्यास लॉकडाऊन (Nashik Lockdown) करण्याशिवाय कुठलाही पर्याय शिल्लक नसल्याचे त्यांनी यावेळी स्पष्ट केले.

लॉक डाऊन बाबत ८ दिवसात निर्णय घेणार

आता झालेल्या पत्रकार परिषदेत भुजबळांनी नाशिककरांना ८ दिवसाचा अल्टिमेटम दिला आहे. आठ दिवसात परिस्थिति सुधारली नाही तर २ एप्रिल नंतर कठोर निर्णय घ्यावा लागेल असे त्यांनी पत्रकार परिषदेत सांगितले.

पालकमंत्री छगन भुजबळ नाशिक शहरातील विविध भागातील गर्दीच्या भागाची पाहणी केली. त्यांनी सिडको परिसरातील राणाप्रताप चौक या ठिकाणाहून पाहणीस सुरवात करत उत्तमनगर, पवननगर, त्रिमूर्ती चौक सिडको,शालिमार, गाडगे महाराज पुतळा, मेन रोड मार्गे  पाहणी करत जिल्हाधिकारी कार्यालय या भागात पाहणी केली. यावेळी राष्ट्रवादी काँग्रेस पार्टीचे  शहराध्यक्ष रंजन ठाकरे प्रदेश पदाधिकारी नानासाहेब महाले,दिलीप खैरे त्यांच्या समवेत उपस्थित होते.

पाहणी दरम्यान पालकमंत्री छगन भुजबळ यांनी सिडको, सीबीएस, शालिमार, मेन रोड येथे नागरिक, दुकानदार, हॉटेल, रिक्षा चालक यांच्याशी संवाद साधत मास्क वापरण्यासह कोरोनाच्या नियमनाचे पालन करण्याचे आवाहन केले. या संकटातून बाहेर पडण्यासाठी नियमांचे पालन करणे अत्यंत आवश्यक असून नियमांचे पालन न केल्यास लॉकडाऊनचा (Nashik Lockdown) पर्याय शिल्लक असल्याचे सांगत. मास्क आणि सोशल डिस्टन्सचे पालन न करणाऱ्या दुकानदार, हॉटेल व्यवसायिक, विक्रेते, नागरिक यांच्यावर कारवाई करण्याच्या सूचना पोलिसांना दिल्या.

(Nashik Lockdown)

बातमीच्या मध्ये
Ac square