सर्वात वर

Nashik News : नाशिकचे पहिले हृदयरोग तज्ञ डॉ.विनय ठकार यांचे निधन

बातमीच्या वर

नाशिक- (Nashik News)नाशिक जिल्ह्यातील पहिले हृदयरोग तज्ञ आणि निसर्ग प्रेमी छायाचित्रकार तसेच नाशिक मधील अनेक संस्थांचे आधारस्तंभ डॉ विनय ठकार यांचे अल्पशा आजाराने आज पहाटे निधन झाले ते ७४ वर्षांचे होते.गेल्या काही दिवसापासून ते आजारी होते. नाशिकच्या एका खाजगी रुग्नालयात त्यांच्यावर सुरु होते. त्यांच्या पश्चात पत्नी डॉ. प्रतिभा आणि एक मुलगा व मुलगी गौरी असा परिवार असून त्यांचे सुपुत्र डॉ चारुहास ठकार हे अमेरिकेत सिनसिनाटि विद्यापीठात जगप्रसिध्द किडनी विकार तज्ञ आणि संशोधक म्हणून कार्यरत आहेत.

डॉ ठकार यांनी नाशिक जिल्ह्यात अनेक आधुनिक सुपर स्पेशालिटी हॉस्पिटल उभारणीसाठी वैद्यकीय व्यावसायिकांना महत्वाचे मार्गदर्शन केले होते  निष्णात हृदयरोग तज्ञाबरोबरच ते उत्तम छायाचित्रकार होते. त्यांच्या संग्रहात लक्षावधी फोटो होते. मुलांमध्ये निसर्गप्रेम वाढावे म्हणून शेकडो स्लाईड शो केले. त्यासाठी संपूर्ण अनेक देशांत प्रवास केला होता. नाशिक मधील पक्षीमित्र आणि वन्यजीव प्रेमी म्हणूनही ते सुपरिचित होते.नाशिकच्या कुसुमाग्रज प्रतिष्ठानचे कार्यकारी मंडळ सदस्य म्हणून त्यांनी काम केले. नाशिक एज्युकेशन  सोसायटीचे ते विश्वस्त मंडळ सदस्य होते. त्यांच्या निधनामुळे आज नाशिक मधील संस्थेच्या सर्व शाळांना सुटी देण्यात आली आहे.(Nashik News)

बातमीच्या मध्ये
बातमीच्या खाली