सर्वात वर

नाशिकमध्ये साकारले महात्मा गांधीजींचे सर्वात मोठे धातू शिल्प

बातमीच्या वर

इस्पॅलियर हेरिटेज स्कूल (Espalier Heritage School) मध्ये साकारले शिल्प महात्मा गांधीजींच्या (Mahatma Gandhi) १५० व्या जयंतीनिमित्त होणार नाशिककरांसाठी खुले

नाशिक – (प्रतिनिधी) राष्ट्रपिता महात्मा गांधीजींच्या “नई तालीम” या शिक्षणप्रणालीचा प्रसार व्हावा तसेच त्यांच्या विचारांची आणि कार्याची माहिती व्हावी या उद्देशाने महात्मा गांधीजींचे (Mahatma Gandhi)नाशिकमध्ये सर्वात मोठे स्तंभ धातू शिल्प साकारण्यात आले आहे. त्र्यंबकरोड परिसरातील इस्पॅलियर हेरिटेज स्कूल मध्ये शिक्षण अभ्यासक सचिन उषा विलास जोशी यांच्या संकल्पनेनुसार शाम लोंढे यांनी या धातू शिल्पाची डिझाईन व निर्मिती केली आहे. 

याआधी दक्षिण आफ्रिका देशात नेल्सन मंडेला यांचे धातू शिल्प साकारण्यात आले आहे. त्यानंतर जागतिक स्तरावर प्रथमच महात्मा गांधीजींचे सर्वात मोठे धातू शिल्प नाशिकमध्ये साकारण्यात आले आहे. गांधीजींच्या १५० व्या जयंतीनिमित्त (दि. २ ऑक्टोबर) रोजी हे शिल्प नाशिककरांसाठी तसेच अभ्यासकांना पाहण्यासाठी खुले होणार आहे.

हे स्तंभ धातू शिल्प एका विशिष्ट कोनामध्ये मध्ये उभे राहिल्या नंतरच महात्मा गांधी यांच्या चेहऱ्याची प्रतिमा  आपल्याला दिसते. ही अतिशय सृजनात्मक कला निर्मिती असून जमिनीपासून ते २५ फूट उंच आहे.

शिक्षण अभ्यासक सचिन उषा विलास जोशी यांनी गांधीजींच्या नई तालीम या अभिनव शिक्षण पद्धतीवर आधारित इस्पॅलियर हेरिटेज ही प्रयोगशील व कौशल्य देणारी शाळा नाशिकमध्ये सुरु केली आहे. स्वावलंबनातून तसेच अनुभवातून शिक्षण या महात्मा गांधींच्या विचारातूनच ‘नई तालीम’ या अभिनव शिक्षण पद्धतीची सुरुवात झाली. गांधीजींच्या याच प्रेरणादायी मार्गावर प्रवास करत सचिन जोशी यांनी अनुभवातून शिक्षण या पद्धतीने शिक्षणदेणारी हेरिटेज स्कूल (Espalier Heritage School) सुरु केली आहे. 

याच शाळेच्या प्रांगणात महात्मा गांधीजींचे (Mahatma Gandhi) धातू शिल्प साकारण्यात आले आहे. श्याम लोंढे यांच्या मार्गदर्शनाखाली प्रथम महेश बच्छाव यांनी या धातू शिल्पाचे संकल्पचित्र तयार केले आणि त्यानंतर नियोजन करून 30 लेझर स्तंभ/ कॉलम माध्यमातून ते शिल्प उभारण्यात आलं यामध्ये अभियांत्रिकी ज्ञान आणि दृष्टी विज्ञान याचा उपयोग करण्यात आला.

महात्मा गांधीजींना जेव्हा दक्षिण आफ्रिका देशात असताना रेल्वेतून बाहेर काढण्यात आले होते, त्या प्रसंगावर आधारित “मोहन टू महात्मा” ही अनोखी हेरिटेज रेल्वे लायब्ररीही शाळेच्या परिसरात साकारण्यात आली आहे. 

ही कलाकृती जगातील पर्यटकांना २ ऑक्टोबर, ३० जानेवारी, १५ ऑगस्ट, २६ जानेवारी, ५ सप्टेंबर अशा दिवशी बघायला मिळणार आहे.

असे साकारले सर्वात मोठे धातू शिल्प

३०- लेझर कट स्टील काॅलम२०- फूट उंची१८- फूट रुंदी २५ फूट जमिनीपासून उंची सहा महिन्यांत उभे राहिले शिल्प इंडिया बुक ऑफ रेकॉर्ड (India Book of Records) मध्ये या धातू शिल्पाची नोंद तसेच एशिया बुक ऑफ रेकॉर्ड (Asia Book of Records) मध्ये सुद्धा नोंद.- २०२० मध्ये प्रकाशित होणाऱ्या ग्रॅण्ड मास्टर्स कॅटेगिरीमध्ये धातू शिल्पाची निवड करण्यात आली आहे.

सचिन उषा विलास जोशी, शिक्षण अभ्यासक

“महात्मा महात्मा गांधी (Mahatma Gandhi) यांची अभिनव शिक्षण प्रणाली जगासमोर यावी या दृष्टीने याची निर्मिती तिथे केलेली आहे हे ३० लेझर कट मधून बनवलेले धातू शिल्प आमच्यासाठी महात्मा गांधी यांचे ३० शिक्षण तत्वे आहेत अनुभवातून शिक्षण पद्धती कशी असली पाहिजे याचं मार्गदर्शन करते.विद्यार्थी, अभ्यासक, पर्यटक या निमित्ताने नाशिकमध्ये हे सर्वात मोठे धातू शिल्प पाहण्यासाठी नक्कीच येतील

शाम लोंढे, डिझायनर

“जगामध्ये मोठ्या कलाकारांनी महात्मा गांधींजीवर विविध कलाकृती सादर केली, मला एक आगळी वेगळी कलाकृती निर्मिती करण्याचा संधी मिळाली, नेल्सन मंडेला यांच्या कलाकृतीवर प्रेरित होऊन ही निर्मिती झाली आहे.”

बातमीच्या मध्ये
बातमीच्या खाली